KFUK-KFUM Øygarden er ein hovudforeining i KFUK-KFUM Noreg. Foreininga har Open barnehage, HomeStart KomSammen, TenSing og Action. KFUK KFUM Øygarden er ein frivillig organisasjon og er heldig å ha fleire frivillige som deltek og bidrar inn i ulike avdelingar og ulike tilbod. KFUK-KFUM er ein kristen barne- og ungdomsorganisasjon som kjempar for unge menneskje sin rett til å leve og utvikle seg som heile menneskje. Vi er ein del av YWCA (Young Womens Christian Association), som er verdas største kvinnebevegelse, og YMCA (Young Mens Christian Association), som er verdas største ungdomsbevegelse.
KFUK-KFUM Øygarden Open barnehage søkjer vikarierande Styrar og pedagogisk leiar
STYRAR OG PEDAGOGISK LEIAR FOR KFUK-KFUM ØYGARDEN AVDELING OPEN BARNEHAGE
KFUK-KFUM Øygarden er ein foreining i Norges KFUK-KFUM og driv eit omfattande arbeid blant barn og unge. For familiar har vi tilbod med Open Barnehage, Kom Sammen, HomeStart og KLUZZ. For ungdom har vi tilbod med Ten Sing og ACTION.
Vi er no på leit etter styrar og pedagogisk leiar i eit vikariat i 60% stilling til og med 30.11.2026, med mulighet for forlengelse. Oppstart ønskelig 01.12.2025.
Open barnehage er ein godkjend barnehage som følgjer lov, forskrifter og rammeplan for barnehagar. Barnehagen gir eit pedagogisk tilbod til dei som er heime på dagtid med omsorg for barn under skolealder. Det er ein barnehageform der barna ikkje får fast plass, men der barn og vaksne treffast på dagtid, blir kjent, og saman får delta på ulike aktivitetar i eit trygt og positivt miljø. I Open barnehage er omsorgspersonen til stades saman med barna, og brukarane vel sjølve når dei ønsker å bruke barnehagen. Målet med tilbodet er å skape eit sosialt fellesskap i nærmiljøet.I Open barnehage i Øygarden har vi fokus på song og musikkaktivitet. Gjennom song blir dagen kjekkare og hyggeligare både for liten og stor. Song er med på å styrke relasjonen mellom barn og vaksen og bidrar positivt til barnet sin utvikling. Gjennom song skapar vi fellesskap og oppleving av å høyre til.
Våre opne barnehagar held til ved Straume, Landro og Fjell. Kvar avdeling har open 3 dagar i veka frå kl. 09.15 - 14.45. Ved avdeling Straume har vi open onsdag til fredag. Ved avdeling Fjell har vi open måndag til onsdag, og ved avdeling Landro har vi open måndag, onsdag og torsdag. Styrar og pedagogisk leiar vil kunne arbeide ved KFUK KFUM Øygarden sine tre ulike lokasjonar. Primært er arbeidstida onsdag-fredag ved avdeling Straume.
Open Barnehage er eit gratis barnehagetilbod for born frå 0-6 år saman med ein vaksen omsorgsperson. Open Barnehage er også ein møteplass der dei vaksne kan bli kjende med kvarandre og bygge sosiale nettverk.
Velkomen til ein spennande og morosam jobb som styrar og pedagog i avdeling Open Barnehage. Vi søkjer ein barnehagelærar som er omsorgsfull, framoverlent og ein person som tek kontakt og kommuniserer godt med små og store i dei opne barnehagane våre. I stillingen kreves det at du behersker engelsk. Som styrar har en nokre administrative oppgåver i tillegg.
Styrar og pedagogisk leiar har ansvar for den daglege drifta i barnehagen. Det innebærer at styrar er til stades saman med born og vaksne i opningstida.
KFUK-KFUM ønskjer å gjenspeile mangfaldet av born og unge som vi jobber med og for. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysning. Mangfald er ein ressurs vi vil bruke i alle ledd i vår organisasjon. Vi oppfordrar derfor kvalifiserte kandidatar til å søkje, uavhengig av funksjonsevne, alder, kjønn, religion, etnisitet og seksuell orientering. Vi er alle ein del av mangfaldet.
Den som blir tilsett må legge fram politiattest. Som styrar og pedagog i Open Barnehage får du eit kollegafellesskap der fire av avdelingane jobbar familieorientert. Vi arbeider for at heile organisasjonen skal utviklast i ønska retning. Vi som arbeider i KFUK KFUM Øygarden jobbar med felles aktivitetar, prosjekt og arrangement. For meir informasjon ta kontakt med Dagleg leiar i KFUK-KFUM Øygarden, Sirianne Hellerud.
Søknadar vurderas fortlaupande og aktuelle kandidater vart invitert til intervju.
